Чарговыя перамогі
10.03.201710 сакавіка 2017 года ў інстытуце тэалогіі прайшоў Дзень праваслаўнай кнігі, дзе прымалі пераможцаў конкурса творчых літаратурных работ, пераможцаў конкурса доследных работ, прымеркаванага да 500-годдзя выдання Бібліі Францыскам Скарынай. Вучні школы ўжо ў шосты раз былі адзначаны дыпломамі. Дыплом другой ступені ў намінацыі “Публіцыстыка” атрымала вучаніца 5 класа Юнчык Ганна за нарыс пра Хатынь. А вучаніца 6 класа Дзягцярык Ксенія атрымала дыплом другой ступені за доследную работу “Яе Вялікасць Кніга…і Францыск Скарына”. У канферэнцзале Нацыянальнай бібліятэкі пераможцам былі ўручаны дыпломы і падарункі. Затым была экскурсія ў Музей кнігі, паказаны выыставы карцін У.Авілава, студэнтаў і выкладчыкаў універсітэта мастацтваў. Паказана была экспазіцыя па перапісванню кніг “Скрыпторыя” часоў Еўфрасінні Полацкай і шмат чаго іншага. Затым быў канцэрт хлопчыкаў скрыпачоў “Сугучча” гімназіі-каледжа мастацтваў імя Ахрэмчыка і дзіцячага харавога калектыва пры Нядзельнай школе мінскага Свята-Елісавецінскага манастыра. Стомленыя, але задаволеныя мы вярнуліся дамоў.
